He Whakamārama Whakamāoritanga

I whakaae tahi ngā Tumuaki o ngā Kura o Kelston ka whakapakarihia e tētahi Kelston Learning Campus ngā huarahi ako i te rohe, me te whakapiki i ngā mahi ngātahi i waenga i ngā kura. Ka uru ki tēnei ko:

• Kelston Girls’ College
• Kelston Boys’ High School
• Kelston Intermediate School
• St Leonards Road School

He āheinga tēnei ki te hiki i ngā mahinga ngātahi i waenga i ēnei kura i ngā wāhanga pēnei i te marautanga, te paetae, te hautūtanga me te hauora, oranga hoki

I tīmata kē ngā whai wāhitanga me te hapori i te tau 2019, ā, i whakahoki kōrero mai te hapori mō ngā painga me ngā wero o tētahi Learning Campus i te rohe. I muri i tēnei, e whā ngā kōwhiringa i whakatakotoria e te Tāhuhu o te Mātauranga ka pēhea pea te āhua o te whakarite i tētahi wāhi ako ngātahi.

• Kōwhiringa 1: Ka neke a Kelston Boys’ High School me Kelston Intermediate School ki te wāhi o Kelston Girls’ College.
• Kōwhiringa 2: Ka neke a Kelston Boys’ High School ki te wāhi o Kelston Girls’ College. Ka noho tonu a Kelston Intermediate School i tōna wāhi ake.
• Kōwhiringa 3: Ka neke a Kelston Girls’ College me Kelston Intermediate School ki te wāhi o Kelston Boys’ High School.
• Kōwhiringa 4: Ka neke a Kelston Girls’ College ki te wāhi o Kelston Boys’ High School. Ka noho tonu a Kelston Intermediate School i tōna wāhi ake.

He mea nui tonu kia mahara ake, i raro i ēnei whiringa katoa, ka noho wehe tonu ngā kura, ahakoa kei te wāhi ako kotahi. Ko te tikanga o tēnei, ka pupuri tonu ia kura i tōna motuhaketanga, me ngā kākahu kura. Ka tohaina pea ētahi atu āhuatanga pēnei i te marautanga, ngā kaimahi, ngā whare ako hoki.

Ko te whare o Ko taku Reo (wāhi ako hunga Turi) me te marae o Rūaumoko ka noho tonu i te wā e tū ana ināianei i raro i ngā kōwhiringa katoa.

Ka noho tonu a St Leonards Road school ki tōna wāhi ake, engari ka toha i te marautanga ā-rohe, ngā rauemi, ā, ka āhei hoki ki ngā whare ako tohatoha.

Ka noho tonu a Kelston Primary School i tōna wāhi ake, ā, ka mahi tata ki ētahi atu kura. Ka taea hoki e rātou te uru atu ki ngā whare ako tohatoha i raro i tētahi whakaaetanga tohatoha.

He āheinga tēnei uiui mōu ki te whakahoki kōrero mō ēnei kōwhiringa e whā, me te āwhina ki te hanga haere i ngā putanga o te Kelston Vision Project.

Mēnā he pātai āu, tēnā kaua e takaroa ki te īmēra mai ki: gabrielle@dandgconsulting.co.nz